ຄະນະໂຄສະນາອົບຮົມແຂວງຫຼວງນໍ້າທາເຊື່ອມຊືມບັນດາມະຕິ, ຄໍາສັ່ງ ຂອງກົມການເມືອງສູນກາງພັກ ແລະ ຂອງສະພາແຫ່ງຊາດ.

ສ້າງຂື້ນເມື່ອ ວັນອັງຄານ, 05 ຕຸລາ 2021 08:10
ຂຽນໂດຍ ທ. ຈັນທາ ເທືອຄໍາເຮືອງ.

ຄະນະໂຄສະນາອົບຮົມແຂວງຫຼວງນໍ້າທາເຊື່ອມຊືມບັນດາມະຕິ, ຄໍາສັ່ງ ຂອງກົມການເມືອງສູນກາງພັກ ແລະ ຂອງສະພາແຫ່ງຊາດ.

      ໃນຕອນເຊົ້າຂອງວັນທີ 1 ຕຸລາ 2021 ຄະນະໂຄສະນາອົບຮົມແຂວງຫຼວງນໍ້າທາໄດ້ເຊື່ອມຊືມ 4 ເອກະສານທີ່ສໍາຄັນໃຫ້ແກ່ພະນັກງານພາຍໃນຄະນະໂຄສະນາອົບຮົມແຂວງ

ຢູ່ທີ່ຫ້ອງປະຊຸມຂອງຄະນະໂຄສະນາອົບຮົມແຂວງ ໂດຍການເປັນປະທານຂອງສະຫາຍ ບຸນມາ ພັນດາວົງ ກໍາມະການພັກແຂວງ, ເລຂາໜ່ວຍພັກ, ຫົວໜ້າຄະນະໂຄສະນາອົບຮົມແຂວງ ເອກະສານທີ່ນໍາມາເຊື່ອມຊືມໃນຄັ້ງນີ້ມີຄື: 1. ຄໍາສັ່ງ ເລກທີ 01 ວ່າດ້ວຍເພີ່ມທະວີການນໍາພາຊີ້ນໍາ ຂອງຄະນະພັກແຕ່ລະຂັ້ນໃນການຈັດຕັ້ງປະຕິບັດມາດຕະການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ໃຫ້ກຽດຜ່ານເອກະສານໂດຍ ສະຫາຍ ສິງແກ້ວ ແສນປັນຍາ ຄະນະໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງ, 2. ຄໍາສັ່ງ ເລກທີ 02 ວ່າດ້ວຍເພີ່ມທະວີການນໍາພາ ຂອງຄະນະພັກແຕ່ລະຂັ້ນ ຕໍ່ການສະກັດກັ້ນ ແລະ ແກ້ໄຂບັນຫາຢາເສບຕິດ ໃຫ້ກຽດຜ່ານເອກະສານໂດຍ ສະຫາຍ ບຸນມາ ພັນດາວົງ ກໍາມະການພັກແຂວງ, ເລຂາໜ່ວຍພັກ, ຫົວໜ້າຄະນະໂຄສະນາອົບຮົມແຂວງ, 3. ມະຕິ ເລກທີ 03 ກອງປະຊຸມສະພາແຫ່ງຊາດວ່າດ້ວຍການຮັບຮອງເອົາວາລະແຫ່ງຊາດ ກ່ຽວກັບການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ແລະ ມະຕິ ເລກທີ 04 ກອງປະຊຸມສະໄໝວິສາມັນ ເທື່ອທີ 1 ຂອງສະພາແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ແຕ່ປີ 2021-2023 ໃຫ້ກຽດຜ່ານເອກະສານໂດຍ ສະຫາຍ ຫັນຈະເລີນ ເພັດທະວົງ ຫົວໜ້າຂະແໜງໂຄສະນາ-ປາຖະກະຖາ; ການນໍາເອົາເອກະສານມາເຊື່ອມຊືມໃນຄັ້ງນີ້ແມ່ນເພື່ອເຮັດໃຫ້ພະນັກງານພາຍໃນຄະນະໂຄສະນາອົບຮົມແຂວງ ສາມາດກໍາແໜ້ນໄດ້ເຖິງເນື້ອໃນມະຕິ, ຄຳສັ່ງທີ່ເປັນພື້ນຖານໃນການຈັດຕັ້ງປະຕິບັດວຽກງານໃນແຕ່ລະໄລຍະ ເຊີ່ງມີຜູ້ເຂົ້າຮ່ວມທັງໝົດ 17 ສະຫາຍ, ຍິງ 5 ສະຫາຍ.